هذا المنتدى يهتم بدعم و تقوية قدرات الجمعيات المحلية من اجل انجاح المبادرة الوطنية للتنمية البشرية.


    تابع الكلام الموزون ....الناتج من تجارب الحياة

    شاطر

    zahidi
    Admin

    المساهمات : 395
    تاريخ التسجيل : 14/08/2010

    تابع الكلام الموزون ....الناتج من تجارب الحياة

    مُساهمة  zahidi في الأربعاء سبتمبر 08, 2010 5:45 am


    لنفيسة اعطي ارفيسة
    كسكسو بسبع خضاري نوكل داري و نعطي لجاري
    لمروزيا شحال عزيزة عليا
    فلعسل الحر حتى حاجة ما تضر
    اللي كلا لخليع فالبرد ما بحالو حد
    سلو مزيان لمريض و لعيان
    الويزة شحال عزيزة
    زريعة الكتان كلشي فيها مزيان
    كول لعدس بالقديد إلا نقصك لحديد
    عليك يا الحوت شحال كنموت
    بلا دجاج بالحامض و الزيتون كيف نكون
    للا البسطيلة حتى حد ما يقول لها لا
    سيدي الطاجين شحال بنين
    لحريرة و رمضان معاهدين من زمان
    القهوة بالمسكة الحرة شراب لمرا الحرة
    أتاي بالزعفران الحر شراب الراجل الحر
    اللي كلا الزنجلان الصحة عليه تبان
    القرفة تحيد السخفة
    اسكينجبير يجري عالبرد فالحين
    الخل فيه الحل

    ما عرفت بقيمة لعزيز علي حتى مشا علي
    مصاحب مع الهم ما يضحك ما يتبسم و كلامو كسم, إلى دويتي معاه تندم
    الفلاح إلى ما طحت اشتا يبكي و إلى طاحت يشكي
    اللي شرف ما بقا ينفع معاه تجميل و خا تزوقو نهار و ليل
    كون معقول و مزيان ما تحتاجش تكول أنا ولد فلان

    الي كون صاب يقتلك عمرك ما تضنو يعتقك

    حيان عليك يا دنيا كتغلي ارخيص و ترخصي الغالي

    *شفوني ما خدامش حقروني و مني طيحو العين
    و أنا كنز ما يفنى و بحر فايض بالجود و ماه حلو بحال العين

    *حيان عليك يا دنيا و شحال غدارة
    توكلي الواحد اليوم الشهد
    و لغد ليه تسقيه المر و لمرارة

    * ضحكت دقيقة هجرت يوم
    كون عرفت الدنيا غدارة
    ما كنت نتيقها ولا فبحورها نعوم

    *ما معطيا غير القاصح القلب و المسموم
    أما لحنين و المزيان مخصم معاه ازهر و لصقا فيه لهموم

      الوقت/التاريخ الآن هو الأحد نوفمبر 19, 2017 9:42 pm